Мамлакатимиз сиёсий ҳаётидаги муҳим воқеа – Ўзбекистон Олий Мажлиси қонунчилик палатаси, халқ депутатлари вилоят, туман ва шаҳар Кенгашларига сайлов санаси тобора яқинлашмоқда.

 

ТАЙЁРГАРЛИКНИНГ МАСЪУЛИЯТЛИ

ВАЗИФАЛАРИ

 

   Унга ҳар жиҳатдан пухта ҳозирлик кўриш ва уюшқоқлик билан ўтказиш, овоз берувчилар учун энг қулай имкониятлар яратиш мавжуд округ ва участка сайлов комиссиялари раислари ҳамда аъзолари зиммасига жуда катта масъулият юклайди. Хўш, айни пайтда улар буни етарли даражада ҳис этишаяптими? Ўтган шанба куни Навоий шаҳридаги "Фарҳод” маданият саройида вилоят сайлов комиссияси томонидан ташкил этилган ўқув-амалий семинарда шулар ҳақида очиқ-ошкора сўз юритилди.

   Тадбирда Ўзбекистон Республикаси Олий Мажлиси Қонунчилик палатасига сайлов ўтказувчи 34-Навоий, 35-Қизилтепа, 37-Хатирчи ва 38-Нурота округ сайлов комиссиялари раислари, Навоий шаҳар, Кармана, Навбаҳор, Нурота, Хатирчи ва Қизилтепа туман сайлов комиссиялари раислари, участка сайлов комиссиялари раислари, уларнинг ўринбосарлари, котиблари, тегишли корхона, ташкилот ва муассасалар раҳбарлари ҳамда оммавий ахборот воситалари вакиллари қатнашди.

Йиғилишда вилоят сайлов комиссияси раиси Шуҳрат Жўраев сайловга талаблар даражасида тайёргарлик кўриш ва ўтказиш борасида ташкилотчилар, биринчи навбатда, участка сайлов комиссиялари зиммасидаги вазифалар, тайёргарликнинг бугунги ҳолати ҳамда кечиктириб бўлмас масалалар хусусида маъруза қилди. Бу борада ҳозиргача амалга оширилган ижобий натижаларни эътироф этган ҳолда, Кармана, Қизилтепа, Навбаҳор, Нурота ва Хатирчи туманларидаги айрим участка сайлов комиссиялари раҳбар ва аъзолари муҳим сиёсий жараён масъулиятини теран англаб етмаганликларини танқид қилди.

    Семинарда фуқаролик жамияти шаклланишини мониторинг қилиш мустақил институти Навоий ҳудудий бўлинмаси раҳбари, сайловга тайёргарлик бўйича ишчи гуруҳи раҳбари Холмамат Рауповнинг ахбороти тингланди ва муҳокама қилинди. Шундан сўнг қатнашчилар учун кун тартибидаги масалага оид видеотасвирлар  намойиш этилди.

     Тадбир иштирокчиларининг сайловга тайёргарлик ва уни ўтказиш билан боғлиқ масалалар юзаси-дан саволларига батафсил жавоб берилди.

Йиғилишда муҳокама этилган масалалар юзасидан аниқ вазифалар белгилаб олинди.

      Бугунги кунда мамлакатимиз аҳолисининг 64 фоизини ёшлар ташкил этади. Шу рақамнинг ўзидаёқ яқинлашиб келаётган сайловларда ёшларимизнинг овози нечоғлик ҳал қилувчи аҳамиятга эгалиги яққол кўринади.

 

Navoiy.uz сайтидан олинган

Агарда Сиз мақолада хатони учратган бўлсангиз, унда хато матнни белгилаб, CTRL + ENTER  тугмасини босинг ва сайт маъмурига хабарнома жўнатинг.