Навоий шаҳрида 18-23 декабрь кунлари республика "Ёшлар марказ"лари ва "Ёшлар ижтимоий хизматлар марказ"лари координаторлари ҳамда тўгарак раҳбарлари учун малака ошириш курси ташкил этилди. "Ёшлар маркази"да бўлиб ўтган ўқув-семинарда барча вилоятлардан саксон нафарга яқин тегишли соҳа вакиллари иштирок этди.

Дастлаб қатнашчилар "Ёшлар мар­кази" фао­лияти билан яқиндан таниш­дилар. Бу ерда 18 та тў­гарак мавжудлиги, уларда кам таъ­мин­ланган оила фар­занд­лари, имконияти чек­лан­ганлар ва ИИБ ҳисобида ту­рувчи ёшлар қатнови йўлга қўйилгани иш­ти­рокчиларда катта таас­сурот қолдирди. Шундан сўнг, бош­ланган ўқув-семинарда ёш­ларга оид дав­лат сиёсатининг аҳа­­мияти, "Ёшлар ижтимоий хиз­мат­лари марказ"­ла­рида ҳужжатлар би­лан ишлаш қои­далари, тўга­рак­лар фаолиятини та­комил­лаш­ти­риш йўллари ҳа­қи­да сўз борди. Се­минарнинг ке­йинги кун­лари иж­­­тимоий хиз­мат­ларнинг моҳияти ва аҳамияти, бошқарув психологияси, му­лоқот услуби каби мавзуларда қизғин фикр алмашилди.

— Семинар давомида ўзимиз учун ке­ракли қизиқарли би­лим­ларга эга бўлдик, — дейди Тошкент вилоятидан келган коор­­ди­на­тор Дилмурод Аҳмедов. — На­воий шаҳрига 2011 йилда ҳам кел­гандим. Ўшанда ҳам "Ёшлар маркази" ўқувчилар билан гавжум эди. Ҳозир ҳам буни кўриб, хур­санд бўлдик. Машғулотларда ўр­ган­ганларимизни янги иш режаларимга ки­ри­тишга қарор қилдим.  

Ўқув-семинари якунида фаол қат­наш­ган иштирокчилар тақдирланди ҳамда "Ка­молот" ЁИҲ томонидан ушбу тадбирни кўтаринки руҳда ташкил этишда кўмак­лашган ҳамкор ташкилотларга миннат­дор­чилик билдирилди.

Дилкушо НАВРЎЗОВА.

Манба:Dustlikbayrogi.uz

Агарда Сиз мақолада хатони учратган бўлсангиз, унда хато матнни белгилаб, CTRL + ENTER  тугмасини босинг ва сайт маъмурига хабарнома жўнатинг.